Agentenan polisial ta tira atrakadó mata

Agentenan polisial ta tira atrakadó mata

Den oranan chikí di marduga, a tuma lugá un kaso di atrako na Roosendaal 3, Sta. Helena. Malechornan a bai kas di e doño di Panaderia Isa. Nan a kap e ku machete. Sentral di Polis a risibí yamada i a akudí rapido na e sitio kaminda nan a bin enkontrá ku tres (3) hòmber den kurá di e kas. E hòmbernan atrakadó tabata trata di hui i agentenan polisial a lòs tiru dirigí riba nan. Un atrakadó a risibí tiru den pechu i a fayesé na e sitio, mientras un otro atrakadó a resultá heridá. Servisio di Ambulans tambe a presentá na e sitio pa atendé primeramente ku e doño di kas. E di tres atrakadó a logra hui den un vehikulo i agentenan polisial a sali en buska den area di MIL. E kaso ta den investigashon.

%d bloggers like this: