Minister Koeiman ta bishitá Fundashon Mami Sa

Minister Koeiman ta bishitá Fundashon Mami Sa

WILLEMSTAD – Resien Minister Hensley Koeiman a realisá un bishita na e sentro di operashon di Fundashon Mami Sa den e bario di Paradeis. E fundashon a kuminsá operá bou di e periodo anterior ku Minister Koeiman tabata minister di SOAW. Meta di Fundashon Mami Sa ta pa duna guia na mamanan yòn i soltero, ku no ta disponé di un formashon profeshonal, no tin empleo i tin yu chikí. Fundashon Mami Sa ta dediká na oumentá balor propio di e hóben mamanan i alabes riba fortifikashon di e relashon di e mamanan ku nan yunan. Banda di esaki ta brinda diferente kurso pa asina oumentá posibilidatnan pa e hóben mamanan aki pa drenta merkado labor.
Durante e enkuentro miembronan di direktiva i maneho diario di e fundashon a informá Minister Koeiman detayá di aktividatnan di e fundashon. Alabes a informá minister di inkietutnan di e fundashon pa por realisá obhetivo di e fundashon mihó. E direktiva a ofresé kopia di relatonan anual di e fundashon. Minister Koeiman a vosiferá ku e tin hopi apresio pa trabou ku e fundashon ta realisá i lo hasi tur loke ta na alkanse di ministerio di SOAW pa kumpli ku petishonnan di e fundashon pa realisá e obhetivo. Alabes Minister Koeiman a primintí di lo keda den kontakto estrecho ku e fundashon

%d bloggers like this: