Advertisements

NOS GRANDINAN TAMBE TIN DERECHO RIBA UN BIDA DI CALIDAD

BENNY NISBET (PPA):
“ NOS GRANDINAN TAMBE TIN DERECHO RIBA UN BIDA DI CALIDAD !!’
PPA su maneho lo ta dirigi pa duna nos grandinan un miho calidad di bida den tur sentdio di palabra e.o. door di:
1. Construccion di casnan pa anciano mderno basa riba e principio di e derecho riba privacidad cual a worde presenta door di fraccion di PPA na parlamento na 2004 y 2005. E intencion tabata cu casnan di anciano lo a worde traha na San Nicolas, Sta Cruz y Noord basa riba mocionan di PPA aproba Unanimamente parlamento den e epoca ey. Lamentablemente ta solamente e cas di anciano na San Nicolas a worde construi. MEP NO a pone fondo disponibel pa e casnan di anciano na Noord y Sta Cruz durante 4 anja despues cu e mocion aki a pasa parlamento. AVP di nan banda durante 8 anja NO a dedica atencion na e fascilidadnan aki pa nos grandinan.
2. PPA tin intencion di bin cu un maneho pa sostene nos grandinan cu NO por atende financieramente cu e mantencion di nan propio cas pa hasi esaki pa nan y prepara e cas pa asina un grandi por biba mas confortabel den esaki.
3. Maneho di PPA lo ensera cu e derecho di nos grandinan riba un pensioen lo mester keda intacto ora e grandi ta worde pasa pa un cas di anciono. Mester tin un proceso unda e grandi lo contribui cu un parti di su pensioen pero E lo tin derecho di keda cu un parti di djele pa atende cu su otro necesidadnan. Gobierno lo mester subsidia e diferencia !!
4. Fuera di e casnan pa anciano…..lo mester tin un cierto candidad di cas den kada districto cu ta cai bao di FCCA pero ta destina pa uso door di nos grandinan. Lo mester expande esakinan debidamente.
5. Lo mester construi parkenan cu lo por worde usa pa tanto nos muchanan como nos grandinan pa asina tin un control social.
6. PPA lo stop e crecemento di edad pa cobra pensioen cu basa riba ley ta na caminda pa 65 anja …na momento cu e jega 62 anja……..E edad cu cual Juan E Yrausquin a prepara y a introduce e ley aki !!
7. PPA ta boga pa un sistema social worde introduci unda un grandi cu ta biba di solamente un pensioen di viehez worde subsidia parcialmente den e gastonan di awa, corriente y telefon p.e. un 50% di esaki !!
8. PPA ta boga pa e derecho di nos grandinan riba pensioen official worde regla pa nan legalmente esaki lo ensera nan derecho di pasa p.e. 10 dia di vacacion annualmente na x Bushiri hotel cu parcialmente bao di un gobernacion di PPA lo worde pasa pa un fundacion pa atende esaki.
9. PPA su maneho lo ensera cu lo mester adapta e Ley di AZV cu nos grandinan lo NO tin mester di paga e PREMIE como sifuera nan ta nan propio donjo di trabow….aki gobierno lo mester contribui cu un suma pa cubri esaki !!
Conclussion di PPA entodo caso ta cu NI gobierno di Aruba di AVP NI parlamento di Aruba den e constellaccion aki NO a dedica atencion na e derecho y miho bida pa nos grandinan.
PPA su maneho lo ensera cu lo hiba nos grandinan tambe pa e Proximo Nivel !!
Aruba, 23 di juli 2017 Lider Politico di PPA
BENNY NISBET

Advertisements
%d bloggers like this: